बेतन कर्णाली सञ्चयकर्ता हाइड्रोपावर लिमिटेड (BKSHCL) कर्मचारी सञ्चय कोष (EPF) मा आबद्ध लाखौं सञ्चयकर्ताहरूको प्रमुख शेयर लगानीमा स्थापना भएको एक प्रतिष्ठित तथा गौरवशाली सार्वजनिक कम्पनी हो। जलविद्युत उत्पादनको प्रचुर सम्भावना बोकेको नेपालको ऊर्जा क्षेत्रमा आन्तरिक स्रोत, पुँजी र जनसहभागितालाई परिचालन गर्दै देशलाई ऊर्जामा पूर्ण रूपमा आत्मनिर्भर बनाउने दीर्घकालीन सोचका साथ यस कम्पनीको जग बसालएको हो। यसको मुख्य उद्देश्य राष्ट्रिय हित प्रवर्द्धन गर्नुका साथै सरकारी तथा निजी क्षेत्रका कर्मचारी एवं सञ्चयकर्ताहरूलाई भविष्यमा नियमित, भरपर्दो र आकर्षक प्रतिफल सुनिश्चित गरी उनीहरूको सामाजिक सुरक्षालाई थप सबल बनाउनु हो।यो राष्ट्रिय गौरवको जलविद्युत आयोजना नेपालको समग्र आर्थिक र सामाजिक रूपान्तरणका लागि एउटा ऐतिहासिक कोशेढुङ्गा (Milestone) साबित हुने निश्चित छ।

यस आयोजनाको सफल निर्माणले देशको बढ्दो ऊर्जा संकटलाई समाधान गर्दै आन्तरिक ऊर्जा सुरक्षा (Energy Security) लाई मजबुत बनाउने मात्र नभई, भविष्यमा बढी भएको विद्युत् छिमेकी मुलुकहरूमा निर्यात गरी वैदेशिक मुद्रा आर्जन गर्ने ढोका समेत खोल्नेछ। यसका साथै, आयोजनाले सिर्जना गर्ने आर्थिक गतिविधि र नाफाले देशका लाखौं सञ्चयकर्ताहरूको आर्थिक उन्नति, जीवनस्तर सुधार र सुरक्षित भविष्य निर्माणमा प्रत्यक्ष एवं दूरगामी योगदान पुऱ्याउनेछ।हाल यस कम्पनीले सुदूरपश्चिम र कर्णाली प्रदेशको सिमानामा अवस्थित अत्यन्तै आकर्षक र उच्च प्राविधिक सम्भाव्यता भएको ४३९ मेगावाट (MW) क्षमताको वेतन कर्णाली जलविद्युत आयोजनाको निर्माण कार्यलाई तीव्रताका साथ अगाडि बढाइरहेको छ।